自己實在．．．太粗心大意 (舊文)

我地兩公婆實在太粗心大意啦！實在唔住呀～～樂仔！

平時樂仔食過奶，進睡後，會在大床睡一會，我們才搬去床仔睡，今天如常，但唔知係咪行雷閃電的關係，佢可能睡唔好，好反睡，反睡到”澎的一聲”由大床跌左落地，我地即刻衝入去睇，見到樂仔成個扒左係地下，即刻抱起佢，佢喊到拆天（一定是好痛．．．對唔住！），之後睇下佢有無事，發現撞到個鼻，還流鼻血，哭得好厲害，好像好辛苦的樣子，那刻真係好驚，好驚佢有乜事，唔知會不會跌到個頭，真係可大可小？好彩，過了一陣，鼻血止了，再逗多一會，都能再次入睡！我們才放心下來！．．．
不過今晚都係睇緊點．．．．好驚半夜有乜問題發生！

今次自己實在太唔小心啦！真係不知所謂！點做人老豆！如果樂仔有乜事．．．真係成世唔安樂！
樂仔．．．老爸才次再向你說聲：對不起！不會再有下次！萬個ｓｏｒｒｙ！