樂仔出風"難"

今日返工已返到一肚火，無啦啦比了亞頭一記悶棍，做錯就話姐，無錯都要食，真係無癮．．．鬼叫自己做細．．．唉．．．

返到去接樂仔時，又當堂呆了一呆，做乜腫成咁呀？睇見佢個樣，好鬼心疼！｜
今日真係ｖｅｒｙ　ｖｅｒｙ ｂａｄ　ｄａｙ！

話說昨晚樂樂玩得興奮過頭時，不小心頭撞到門，右額當堂起了層樓（上圖的右額），當晚待他睡時已幫他抺了油，今朝起身時已好了好多，去到錢太到，錢太好心幫他用熟雞蛋碌下果層樓，想同佢消腫，不知何解，碌後樂仔即刻全面紅晒，還成塊面腫起來，一雙眼當堂細個梨姨雙眼，錢太即刻帶他去睇醫生，開頭我們以為係和雞蛋敏感所致，但醫生好肯定話唔係，話係出風”難”，比了ｄ抗敏藥食。

＜前晚還精神奕奕，個樣幾鬼靚仔！＞

＜今晚已經好左ｄ，左邊還有腫，望落去好似另一個樣咁＞

希望明早起身，見到樂仔消番腫啦！