０４／１２／２０１０（六）
專業即是專業，搬屋當天，唔駛一個鐘，就將家中大少物件ｐａｃｋ好，送上貨車去新屋。全程唔夠兩句鐘就攪掂，果然快手。（原來他們還要做多兩單才收得工，唔快手，有排都唔駛收手）
原本我都好滿意這個公司的服務，但最後有點美中不足．．．．唉！
之前上來報價時，我地問那個飾物柜會不會同我拆掉，再到新居再裝上，那時那位員工認承會的，但到搬時，他們員工說沒有指示，不會幫我們再裝上，要我們直接找老細傾傾，之後我打比老細，初頭都話會幫我安上，但之後再打來又說要收費，我說你們報價時話會包埋裝上，佢回覆張報價單沒有報，所以要另外收費，咁既環境，火到黎埋，爆完佢一輪，最後說回幫我裝上，但開頭說六點幾，之後無左影，再打比佢，又話要八點幾，最後三催四請，才十點半到！黎到還黑口黑面！
咁既服務，咪洗指意有下一次！
之後，經過兩天的努力，終於執大部份的東西，間屋總算住得人，
亦要開始我們一家的”遊牧生活”！（因為是租的）
樂樂，六日都有在新居到住，都總算習慣，亦表現得好開心，係度周圍走！
這新居，我諗最滿意，應該是成屋比較開揚，而家ｖｉｅｗ都算不錯，雖然不是對正海景，但都望到少少，已算不錯啦！（唔好以為真係對正個海景ｖｉｅｗ呀，其實係好遠，又係對唔正，只是我用相機伸手出窗外影炸，
！）
