考車記

17/12/2013
考車日子終於來臨,由於自己唔多掂,所以考之前,
也補了兩個鐘,希望有幫助!

開始考試,先考泊位+調頭....
先要三手調頭,在我做第三手的時候,考官突然超大力踩剎制器,
然後落車望望,我心中立即一沉,咁快就肥! 唉....
原來差點撞博,呼.....好彩好彩!

之後考泊位,我泊好後,考官落車好認真咁睇,
原來差少少就泊到線,幸好是差少少....

繼續到路試...今次考官選下路,超塞車,
一直都平安無事,但去到燈位,我以為夠過,
點知最後塞車,被迫停左黃線中,心想今次衰得了。

之後去到最繁忙的路口,要轉右出,平時不太多車都難出,
這天超多車,等左成十幾分鐘都出唔到,
突然間對面馬路傳出很嘈的響安聲,原來有一架學車,
幫我頂著對面上線的路比我出,(謝謝幫忙)!
有人幫手頂住一條線,易出好多!

幾經辛苦,終於回到試場!
考官落車時,問了我一句:知不知黃線停唔停得車?
我當然死狗般回答:我知唔得,唔好意思!下次我會小心D!

這時已知今次應該衰硬了.....






回去等結果時,已沒有期望會合格,點知出來的結果,
喜出望外,這位考官鬆鬆手,比我及格! THANKS!

今次能一剔PASS,實在感恩!