9A巴士車長

<轉自爽報>
【本報訊】夢想要趁年青去追！10年前中學會考9A狀元梁領彥，去年底放棄四萬多元會計師行經理工作，減薪三分二揸巴士。新紮車長出更三星期仍興奮，把經歷寫成網誌「留在香港的working holiday」，指「將來人工更高，職位更高，就唔會去追（夢）」，至於夢醒可有時，他說「隨遇而安！」

自小巴士迷　母戲言成真

26歲的阿彥，去年還在中環著名會計師行工作，同事叫他「Gary」，日日西裝筆挺，變身車長後他改稱阿彥。他的車長夢始於童年住在白田邨，那時最愛跟車長「吹水」。這個巴士迷坐遍全港巴士線，成為朋友的巴士活字典。
2003年阿彥參加中學會考取得9A，拔尖考入中大的計量金融學系，畢業後在中環著名會計師行當分析員，五年內升至經理。去年他曾一星期無見家人，媽媽說：「咁辛苦唔好做啦，做巴士司機啦！」至親一句戲言令他辭工。去年底離職及小休後，3月底他考車長獲取錄，上月初獲發車長學員證。
工作轉了大幅減薪，現時底薪加獎金每月領1.4萬元，但無價童年夢圓了，他現時駕駛九巴296M線巴士，笑言「好開心，冇試過咁想返工！」

http://www.sharpdaily.hk/article/news/20130520/196413



睇完這個故事, 有人會覺得佢傻的高薪厚職都唔做, 去做車長, 但我反而覺得這樣做,
 一點都不傻, 還幾配服這位年青人的勇氣!
追尋自己既夢想, 唔係人人做得到, 而家佢做到了, 真的要恭喜佢!

放棄高薪厚職, 傻啦, 如果做得唔開心, 幾多人工都無用啦!
不過講到底都要沒有家庭壓力才能去追尋夢想既!

看完這篇新聞, 我即諗起我家的樂樂! 他也是一個巴士迷, 所以我第一時間諗,
如果佢都咁做, 我會點呢? 我當然會舉腳讚成, 因為夢想, 真的不易實踐, 加上做巴士車長,
也算是一件正當又穩定的職業, 當然要支持一下! 哈哈!
(最重要係如果佢拿到9A, 我真係有排睡唔著呀....哈哈)




樂樂最近在圖書館借了一本"再見熱狗巴士", 不知幾迷戀,
每天都要睇成個鐘, 都唔悶, 真係服左佢!

最後還照著書中的熱狗巴士, 還了幾幅畫, 又畫得不錯喎....讚!