2012 德荷遊 - DAY8 風車村, 綠屋, City Night LIne

21/09/2012 (五)

踏入第8天的早上, 先在方塊屋食個自助早餐先, 但青年旅舍的早餐, 都預左唔多掂!
都係醫飽肚就算了。

臨走先, 影下方塊屋裡面環境先!

這是後門的入口!

門口泊了好多單車, 原來是給人租的! 早知租黎踩下啦!

早上還有陽光, 天氣不錯喎!

還能看見方塊屋的倒影!

開心的時核過去啦! 去取車時! 發覺有張牛肉干係度!
話我地違例泊車, 要罰 EUR85! 成九舊水, 想食人咩!

明明這裡寫明11:00 後, FREE 的!

之後返回酒店問問, 原來是這個牌, 這個牌話這裡是給住宅專用車位,
我們不能泊的, 所以堅食了這牛肉干, 唉.............

回到香港, 嘗試寫信去荷蘭當局去要求不用交罰款, 但到現在,
還是音信全無.......睇黎都係要堅食多!


既成事實, 唯有收拾心情, 繼續行程!
下一站桑斯安斯風車村(Zaanse Schans)!

唔知係咪 GPS 出錯, 定係我地攪錯!
今天也帶我們行了很多小徑, 還要搭船過河!

好好心的婆婆, 我地唔知點做, 落車幫我地入埋錢, 教我地點做!

渣車過河, 都係第一次試!

大約個半鐘的車程, 終於到達目的地: 桑斯安斯風車村(Zaanse Schans)


這風車村, 給人一種好寧靜的感覺!

早上還好好天, 但現在已天陰陰了!

如果今日好好天, 相和風景, 一定好靚! 可惜可惜!

這裡有好多動物! 可以隨處走, 十分自由!

最特別都是這隻沒有險見人的鴨仔....哈哈!

好大隻屐呀!

天氣唔好, 都係去濕平先~~

好多鞋!

好靚既雨傘, 但無理由買番香港!

一入去就見到荷蘭少女...


的靚的擺設, 好想買, 但好貴!

做鞋工廠!

超多屐! 全部都係木做!

一字排過....想要邊隻, 慢慢試!

手工真的不錯, 但要買回香港, 感覺揾自己笨, 好重呢!

都係買這些小屐, 做手信一流!

之後去芝士屋!

一入去見到好多芝士放晒出黎, 還可以試食! 味道不錯!

各頪芝士都有, 包啱你心水!

朱古力都有, 成磚咁買!

這盒包裝咁靚, 當然唔平啦, 要成三舊水!

風車擺設, 姑姑忍唔住買了!

之後再四圍行下, 睇下風車, 影下相!

不過行行下, 又下起雨, 唯有走人, 去下一站!
綠屋! Inntel Hotels Amsterdam Zaandam!
Inntel Hotels Amsterdam Zaandam亦是一間特色酒店, 早前雜誌介紹過,
酒店主色是綠色, 感覺似由一些Lego疊起, 非常奪目的

附近的樓, 也起到LEGO咁, 十分特別!
比起香港千遍一律的大樓, 真係靚好多...

原本計劃去食野, 但一見到這間 PRIMARK, 女人的天性又出番來了,
忍左咁多日, 都係要發洩出來了! 原定行半個鐘....最後....個半鐘才完成! 哈哈!

不過又唔怪得D女仕, 因為實在太平了! EUR3 一件 T, 還很舒服的質地, 低到爛!

驚趕唔到今晚的CITY NIGHT LINE, 所以決定先回阿姆斯特丹, 還車, 再決定食什麼晚飯!
點知黑氣未過, 竟然入錯地址, 還要去到才發覺, 幸好早了時間回去, 還趕得切晚上七時的火車!
但晚餐就要在火車站買, 上車食!

去MUCHEN, 但經AUGBURG, 啱啦! 上車!

這就是我們今晚要睡的地方, 四人經濟房Euro396!  

City Night Line (CNL), 聽個名就知是晚上行走的火車, 想慳番時間的人最啱, 一睡醒來, 就到你想到的目的地, 缺點當然沒有酒店咁舒服啦!
 
去旅行的目的, 就是體驗, 開頭也被這環境嚇怕, 但睡落又無野喎!
是一次很好的體驗!


窄窄的走廊!

我的晚餐, 炸雞!

似不似住在籠屋的老人家! 好慘啊!

在睡下醒下之間, 好快就到達 AUGSBURG~~~

<待續>