給老媽的信<六>

老媽子，

今年第六年寫信給你了，今年過得如何呀？打牌有無贏錢呀？

六年啦，沒有了你六年啦！生活也慢慢習慣，但沒有你在身邊，總覺得有些缺憾！

人大了，加上做左人老豆，就更加明白做人父母辛苦，艱難，又更加令我後梅當年沒有好好的孝順了。
還經常覺得你煩，你會嬲我嗎？

人老了，最近成日努力去想，想想我兒時和你的生活，但怎樣想，只想到一點點，但足以令我感到開心。
找天，上回老家找找舊照片，再懷念一番！

講下自己先！不經不覺，大病後都一年了，最近身體不錯，生活上自己都改善左不少壞習慣，
我會好好養好身體，不用太貪心我啦！

你知唔知呀！今年我們一家又遇到奇遇！我們一家去日本時，撞上日本大地震，幸好有好多有心人幫忙，
我們一家總能平安回港，雖然好像有危險，但郤是一個難得的經歷！我們這麼的幸運，
我相信一定是在天上好好的看守著我們！

至於你個孫，樂樂，個衰仔包又長高左啦！就黎到我心口啦！五歲人仔都唔夠，遲多兩年可能高過我了！哈哈！
佢講野方面，又進步左，而家有時同佢講野，笑死我地兩老！哈哈！

今年講到咁多啦！我星期日約了亞龍一家去探你，到時再同你傾傾！

子。祥上

＜２２／１０／２０１１書＞