2011年8月5日星期五

樂.男人之痛小手術




01/08/2011(一)

這天樂樂要做男仔的小手術,下午由婆婆陪入院,我地兩老放工再去醫院會合。

小手術在晚上8時,但食過午飯就要禁飲食,婆婆話佢成日問幾時去9樓(餐廳)食飯,又係咁吸實隔離床食野,
我去到,又問我食唔食野,見到電視賣飲品賣告,又問我不如飲d水羅,真係笑死我!

到做手術時,在房外醫生問佢你想吹波仔定係打針呀?樂樂當然吹波波,好玩d!
入手術前,醫生話入面好似迪士尼咁,有車仔坐,好好玩,咁佢就唔驚咁跟左入去羅,小朋友,真係幾易氹,哈哈!

之後我地兩老去食晚飯,之後再係手術室外等,大約九點半到出來,出來還睡到成豬仔咁!上到房依然熟睡中!

個豬仔睡到11點半,起身飲左杯水,食左件餅,又睡過,一睡就睡到第二朝六點。


(手室前,護士幫佢清潔下之前在電梯整傷的傷口!<這傷不關今次手術事的>)


第二朝,不知幾鬼精神,還食左一大碗通粉加麥包!

醫生十一點多黎檢查,說無問題可以出院,星期五覆診!yeah~



雖然今次只是一個小手術,風險超低,但作為家長,見到個仔入手術室,
始終有點膽心,直至見到佢出來才安心d!哈哈!



小手術,但傷口都係會痛,特別洗傷口時就更加會痛,不過樂樂都幾叻仔,沒有喊,
就算知會痛都無大吵一番話唔整,實在叻仔!

沒有留言:

發佈留言