入院例行檢查

０５／１１／２０１０（五）

半年前做了一次ＰＥＴ　ＳＣＡＮ作檢查身體有沒有隱藏的癌細胞在身體，上星期覆診，醫生建議再去做一次ＰＥＴ，另外還要為腦部作一次磁力共振，醫生叫做，做病人的唯有照做啦！

今次做兩個，所以順道在醫院住一晚，今次是小弟第一次住養和（ＴＯＵＣＨ　ＷＯＯＤ，希望無下一次），獲派了一張窗邊馬場影，嘩！真的幾正！醫生還笑說，咁正，你會不會唔捨得走呀！

養和真的幾ＨＩＧＨ，我住最平的房，但設備好齊，每張枱都有電子鎖，衣柜等等，最正係個電視，用了吊架吊起，可以自由活動，ＴＯＵＣＨ　ＭＯＮ，還有高清台，ＮＯＷ等選擇，連上網都有埋，真係驚你係醫院悶親！

講左咁多廢話，講番個檢查先！

九點來到醫院，１０點開始做ＳＣＡＮ，成三點幾才完成，成朝到三點幾都禁食，真係超肚餓，檢查期間還要你狂飲水，飲左十杯有多，真係有點飲到反胃！

第二朝，報告出了，一切正常，恭喜晒自己！