中醫

最近，開始去睇中醫，目的想在化療後調理一下身體。

這位醫師，是外母大人的朋友介紹的，上星期五放工後去睇，她是一位女醫師，她就診的地方真的不像睇症的，似屋企多點。去到那時已有兩個人在睇症，期間都看得出這醫師都幾細心地睇症。

等了一陣，終於到我啦！先講解自己一輪，之後再打打脈，傾談一輪，主要叫我放鬆心情，放假就多點親親大自然，對個肺會有好大幫助。另外少吃燥熱的食物（哈哈！我間中都會食下），最後，開了藥方，要食三擠，可以翻煲，即是食六天藥。

咁大個人，第一次睇中醫，也第一次食中藥，真的幾苦，但苦口良藥，有益的，苦都要飲。每天都一口渴下去，那就什麼苦味也感覺不到，之後再食回一粒糖，甜晒！

在此多謝樂媽和外母大人，每天幫我煲藥，ｔｈａｎｋｓ！