２０／０３／２０１０（六）
樂仔學校，這天舉行了今年的第一次的學校旅行，地點是馬鞍山公園。
這天比平日返學還要早起，食過早餐後，就樂仔一起返學，話時話，原來這天是我第一次和樂仔返學，真係失禮！八點半回到學校集合後，小朋友去完洗手間後，集齊人後，便上旅遊巴出發馬鞍山公園。
到達後，先影過大合影先，之後玩了三個集體遊戲。樂仔玩得好開心，不知幾鬼興奮，狂笑一番！
之後就是自由活動時間，學校特別安排一個＂影點大追蹤＂的遊戲，小朋友去到指定的景點，學校安排導師在景點幫小朋友蓋印，集齊四個印，就可以換一份小小禮物，所以我地決定去晒所有景點，再去公園遊樂場玩玩。
換完禮物，先補下體力先，樂媽為樂仔準備了栗米，樂仔食得不知幾滋味。
之後去公園遊樂場狂走狂玩一番。
今天，還有很多父母帶了吹泡泡來玩，他們的吹泡泡好鬼勁，有一個係吹好大個的泡泡，一個是電動出泡泡，但一次出好多的。樂仔睇到，成個失晒控，狂走狂追狂拍，玩得好開心。
玩到十二點，集合回學校解散了，雖然只是半天的時間，但樂仔已好開心。樂仔第一次的學校旅行，果然是愉快的一天！
下午一家人來個午睡，哈哈！爽呢！
沒有留言:
發佈留言