０４／０２／２０１０（四）
公司請睇戲，我當然唔放過啦！今次睇既係“孔子”。
未睇之前，聽同事講，佢朋友睇孔子睇了十五分鐘就睡著左，加上這類片種，所以諗自己會不會睡著呢？點知睇後又唔係覺得真係咁悶既！
其實＂孔子＂初段都已經好精彩，由＂救小奴＂，＂敗齊軍＂到＂墜三都＂，劇情都緊張而明快，又點會令人有睡意呢！不過其後＂墜三都＂失敗，講到孔子要開始四處流浪開始，劇情就變得平淡起來。
自己沒有讀過論語等，所以唔知道孔子人生是否這樣，如真的像電影這樣描述的話，孔子雖說是一個聖人，但他一生都真係幾慘！
這套戲劇情雖然平淡左Ｄ，但有發哥的演技補救，總算是一套不錯的電影！
不過，如要自己付錢的話～～～我應該不會買票入場睇！哈哈！
因為這類型戲種，始終唔係我杯茶呢！
睇戲前，當然要醫肚先啦！經過金鐘，見到這間＂丼日本咖哩專門店＂，記得ＢＬＯＧ友～撈咪介紹過，話不錯的！既然佢都話唔錯的話，咁又真係要試試啦！
這個是＂極品芝士豬扒咖哩飯＂
我自己唔係好識寫食評，通常都係得＂好食＂＂一般＂＂唔好食＂。所以都係借一借＂撈咪＂既食評比大家睇睇好Ｄ！
撈米食評：
吉列豬扒, 仲要芝心, 聽落都覺得好「漏」, 但得四小舊, 大丈夫..... 個 presentation 好靚喎
.... 吉豬外皮香脆, 唔係炸到硬晒果隻.... 芝心溶得岩岩好, 豬扒亦夠稔, 又唔油.... 意想不到既好食.... 咖哩淡 d, 唔係好濃味果隻, 不過都夠撈飯了
這個是＂炸蝦天婦羅芝士湯烏冬”，上枱時還熱騰騰，Ｄ炸蝦浸到林晒，而烏冬唔知係咪煮得太耐，攪到好鬼林，麻麻地。要讚的是湯底，好濃的芝士味，正！
對這間食店的總評，又要借用＂撈米食評＂先～～～～
撈米食評：
朗豪坊果間吉豬野類似既千層豬扒好似要成舊水, 呢度一半價錢搞掂, yes~
相關網址：http://hk.myblog.yahoo.com/romi-romi/article?mid=25929
沒有留言:
發佈留言