０６／１２／２００９（六）
又到星期六，又是帶樂仔去做語言治療，今天約了１１：４５，時間無咁趕，所以決定早點出發，去到佐敦才食早餐。
不過自己就預錯時間，出到去剛過了早餐時間，唯有叫個開心樂園餐加個包，同樂仔食啦！平時去麥記，多數食通粉餐，樂仔每次都麻麻地鐘意食，但今次食芝士漢堡＋栗米，樂仔反而好好胃口，食了差不多成個漢堡和半杯栗米，勁！
食野途中，我打比樂媽，報告下行中，傾完後，望下張枱，無啦啦多了一個蝦堡，樂仔還正在拆開盒，我急忙阻止他，再望望四週，左右兩邊都沒有人坐喎，樂仔係邊到拿這個蝦堡呢？唯一最接近我地就係坐正後面的一家人，原來真係是他們的，他們放左袋中，被樂仔拿了，都沒發覺。拿拿聲比番人，睇見個包盒爛左，怪到幾唔好意思！
你個衰仔包，做賊仔，睇少一陣，都唔得！哈哈！
今日樂仔真係對食好有興趣，上完治療堂，再去公園玩玩後，再約剛放工的樂媽去吉野家食午飯，樂仔已經食了半碗飯，當我地以為佢唔食時，差不多想走時，佢無啦啦自己叫食飯飯，自己拿起匙，睇下我地個碗有沒有飯，之後幾粒幾粒，慢慢＂不＂晒我地兩碗食剩的飯，還要食得好乾淨，一粒都唔浪費，突然間咁有依食，大個仔啦！哈哈！
到了晚上，我地食麵時，情況都係一樣！當我地食完時，樂仔又發力，幫我地食晒剩的麵，真係估佢唔到的一個小朋友！哈哈！
沒有留言:
發佈留言