樂．語言治療堂（第一＆二堂）

樂仔已經上了兩堂的語言治療，感覺樂仔的進度不錯，但半個鐘真係覺得時間太短，很快就做完咁！
第一堂和第二堂基本上都是差不多，都是分兩部份：
第一部份
主要和樂仔玩遊戲，在遊戲中要求樂仔講句子，暫時教樂仔說：『我．．要．．波波』，不斷的重複，不斷的練習，教樂仔時，還給他手部動作做提示。
回家後，經過兩個星期的練習，樂仔有明顯的進步，現在佢想要一樣東西，有時會主動地說：『我．．要．．ｘｘ』，雖然只是第一句的簡單完整句子，我們兩老聽到真的好開心。另外，我們還要加強樂仔和別人的眼神接觸，這方面，佢真的好弱，真的要加強練習。
第二部份
治療師見到樂仔有流口水的情況，也教了一些技巧去幫助樂仔改善口部肌肉問題，第一堂教了我們幫樂仔按摩，助他發展口肌活動，第二堂教用煉奶，點樂仔的上唇或下唇，等樂仔用唇去食，等他多點做合埋口的動作和練習上下唇肌肉。不過練了差不多兩星期，進展都是麻麻，他流口水依然好多，不過練肌肉不是一朝就練好，都是慢慢來啦！
總結頭兩堂，四百幾半個鐘時間，講真，真係覺得幾貴，但見樂仔有進步，又不得不相信上這治療是對樂仔有幫助，所以我們決定買ｐａｃｋａｇｅ，每堂平點，希望樂仔越來越進步啦！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

在進步的樂樂！
我之前上關於教小朋友識字課程後，在網上下載了一些閃字卡的ｐｏｗｅｒｐｏｉｎｔ給樂仔看，起初都不知樂仔有無興趣看，但比了他看了一次後，樂仔愛上睇了，每天都會要求看，可能有興趣關係，所以很快認到那些物件，如交通工具，水果，食物，生活物品等等。之後再帶他去睇實物時，佢多數會認到！
之前我們成日問樂仔，我係邊個，但樂仔是說不出的，那時真的好無奈，之後自己整了親人的閃咭比樂仔睇，現在總算一問他時，他會講得出我們係邊個，不用像以前般，靠撞。估唔到這電腦閃卡對樂仔咁有幫助！不過始終電腦對眼睛不好，所以我們限制他每天睇一至兩次，每次只可以攪１０－１５分鐘！
樂仔最近肯主動拿書來看，我們跟他一齊看書，教他讀書上的物件時，他都好有興趣地學，這是一個好開始，希望培養到他有讀書的習慣，要買多點不同的書給他看先得。
最近，樂仔在街上主動講多左野，特別是一些英文字和數字，他見到，會指著說A，B等等，治療師說這段階應該是在小朋友一歲多時就出現，雖然是遲了點，遲到好過無到，希望再過多一陣，樂仔懂問我：『這個咩黎呀？』！
樂仔，我一定唔會嫌你煩的～～快ｄ識問我啦！哈哈！