０３／１０／２００９（六）～續
“方舟多煤體博覽館”，館員話參觀時間要７０分鐘，館內不可影相和不設洗手間，所以大家最好都係解放完才好入去～～～
這館真係幾多野睇，有真動物，有方舟模型，了解方舟的構造，有真殞石參觀，有１８０ｃ環迴影院，了解挪亞方舟的故事，有４ｄ立體影院，探索地球的生存等等！
展館真係不錯，好啱小朋友，唯一不好的地方就是（等），由一個參觀地方到另一參觀地方好有人截，每地方可能只需要睇１０分鐘，但佢２０分鐘才會放你去另一地方，所以很多時間都是等．．．
趣事：在睇１８０ｃ環迴影院時，故事差不多到尾聲時，講到洪水退了，挪亞一家可以返回大地時，樂仔突然一叫一聲『好野！』，全場堂場笑左出黎！
唔通樂仔～你真係識睇！？
參觀完，之後去了這裡唯一的餐廳食午餐。雖然是獨市，但不貴喎！建議大家去食的話，最好叫炒野，好食好多！
之後去行下商鋪～消化先！
之後參觀“方舟生命教育館”和“珍愛地球館”，兩館很多地方都不設影相，所以影相不多，但兩地方都好適合小朋友參觀，好多東西可以給小朋友探索，值得推介！
參觀完，都係時候回家了，回程時，經過“馬灣公園”，在門口玩一陣先！
樂仔和樂媽合照！特別效果～～ｓｏｆｔ～～
等村巴回青衣時，樂仔還好精神！
但一上地鐵，就累到睡著了～！
挪亞方舟這地方真不錯，很適合一家大細去參觀，今次沒有入馬灣公園逛逛，之前見好多卜友在馬灣公園影好多靚相！
下次要再來先得！
沒有留言:
發佈留言