歡迎大家來到迪迪尼！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
上一次去迪迪尼，是自己生日，雖說是平日，但接近聖誕節，所以依然好鬼多人，每樣玩意都要排隊。今次就唔同啦！亦都是平日，但少人好多，連大陸團都唔見，真係想玩幾多次都得，感覺比上一次好。
這天，我們和姑婆早上食過早餐，便搭港鐵出發迪迪尼，原本預備好之前換的免費票用，點知太就手，一啫就入左閘，真失策！之後搭了差不多一個鐘的車程，終於到達啦！由於遲到關係，即刻要飛奔門口，會合梨ｅ的老死取３張免費飛入場票（講真，沒有免費飛，真係唔會黎，因為真在太貴！）。
入到去，樂仔第一樣玩既，就係．．．吹泡泡，每次玩都係咁開心！
之後坐火車，上次黎沒坐，今次坐番，但真係沒乜特別，連睇都無乜野好睇！
坐車後，見到小飛像，當然玩下啦！開頭以為升高升低，樂仔會驚，但原來佢一ｄ都唔驚，只是發呆！
上次都有玩維尼，樂仔還小，呆呆的是正常，但今次再玩，依然呆呆的望！
可能未見過，太好奇！
出到去，估唔到樂仔慘被抽水．．．．慘呀！
難得見到鄧紫峰真人，幾大都要同佢影幅相啦！
影完相後，樂仔透支太勁！食左支奶就睡到成隻豬仔咁！我地成幾去食個ｌｕｎｃｈ，見佢還未醒，我地自己去玩，飛越大空山，ｘ車天地（唔記得名），再去睇埋４ｄ，不過４ｄ沒我份，我睇住樂仔，順便可以新的長鏡周圍影下相！
睇完４ｄ，樂仔都醒了，ｊｏｉｎ峰峰，去森林河流之旅，搭船仔。對大人來講，當然唔刺激，但對小朋友來說，都不錯啦！值得讚的是那位船長，天天都要講咁多同樣的說話，一點嫌棄的表現都無，敬業樂業，低讚啦！
迴轉木馬，上係海浪公園玩，剛睡醒，玩到驚，今次就唔到啦！不知玩得幾開心，笑晒口！
之後和迪迪尼朋友仔影埋相就走了，連煙火都沒睇，因為要趕回家切蛋糕！
迪迪尼．．．下次再有免費飛的話，再黎探你啦！
沒有留言:
發佈留言