年初四，是開工日，但這新公司好得意，他們每年初四開工，不用返工，郤是去行上，行個大運！而自己又可以用下部新單反影下相．．．．
今年就行北譚涌至西灣亭，預計行四個鐘，但原來帶隊人仕，自己都未行過，攪到大家準備不足，在缺水缺糧的情況下，由九點半行到四點半，過了一個擺你命行山記的初四！
聰明帶隊人帶領我們在麥理浩徑的起點出發，原著萬宜水庫一直行入水霸的盡頭，再上山去浪茄。（但其實沒有人會這樣行，多數人仕都會搭的士，直入水霸的盡頭，由山路開始行，因為過了浪茄的山路，是幾難行，所以只會行後段），但沒法啦！他們既然決定這樣行，為有二仔底．．死跟！
行了２５分鐘到，終於見到第一個指示牌，去浪茄都要３個鐘喎！我們終點唔係浪茄喎！點四個鐘完成呀！（我記得好耐之前行過，後段都要行好耐喎！）
這段霸路，其實全是馬路來的，基本上很容行。由於今次同行的有位年紀比較大的，她行得慢，但很奇怪，又沒人會陪她一齊行，真係唔驚咩，所以自己都決定慢慢行，陪她一齊行，一路傾下計，影下相！反正我都唔想行山行到急急腳咁，無得享受原途的咁靚的風景！
原途的霸影，都幾靚！
這個唔知係乜東東呢！奇奇怪怪咁！
成條馬路，我地行晒．．．幾型！
這地方是比直升機降落的，但整得好鬼靚！
行了兩個鐘，終於到達水霸的盡頭了，原本想影多點相，但時間好緊迫，沒得落埋去霸底影下相，就要再次起行了．．．．
去到這裡，那係瀋瀋已經頂唔順了，和另外兩位同事，要退出這次行山之旅，搭的士回程，去定我們下午食飯的地方等我地．．
由起步點到水霸，途中有成二三十架的士係身邊經過，令我更加肯定沒有人好似我們咁行，令我更加懷疑今次的行山行程．．．
小休５分鐘，再次出發，先住浪茄村去發．．．
原路不算難行，平路居多，當然也有上斜路，但總括來講都ｏｋ！
開始落山啦！下面就是浪茄啦！
行了大約半個鐘，到達了浪茄沙灘，ｄ沙真係又白又幼，水都算幾清，在香港黎過，真係幾少有，唔怪得咁多人來這裡露營啦！
休閒一會，好快又要起行，今次真係開始要行上山路了，不繼的上山梯級出現，開始難行了！
行到咁上下，開始望到之前經過的浪茄沙灘！
行了２５分鐘到，上到半山的涼亭了，大家都休息一會，欣賞風影，但原來好多的人已經將水飲晒，亦很多人沒有帶備乾糧，有位還顯得好辛苦的樣子，我原來帶了個餐蛋包食的，見佢咁肚餓，比了他食。大家這刻都發現今次的準備很不夠！
休息期間，發現原來有兩位同事好耐未上到來，派人落去找她們時，發現原來她們行得好辛苦，行少少路就要休息，但帶隊人仕決定不等她們了，要繼續向前行了，只留下落去找她們的人陪他們。當我都起行的時候（我係最後一個起行的），發覺有個背包沒有人拿呢？原來是去找她們的人的，為有我留下等她們上來才起行啦！
等了２５分鐘到，那兩位同事終於上到來，休息一會後，和她們再次上路，但行不到５分鐘，她們就已經宣佈投降，行唔到了，要報警救助（最終是要飛行服務隊，定是消防員救她們呢！真係唔知道啦！），由於有同事陪伴她們，咁我又繼續起行，繼續這天的行山之旅！
待續．．．．
沒有留言:
發佈留言