黑雨的周六 (舊文)

周六，樂仔六點就醒了，開奶比佢食時，見外面落著很大的雨，順道開電視看看沒有黑雨，點知還是黃色，鬼屎失望，待樂仔食完奶後，一同再睡，之後七點幾屋企電話響了，原來ｋｉｍｍｙ打來話黑雨呀！唔駛返工，ｙｅａｈ！

其實可以繼續瞓覺，但人就係咁衰，有得睡就唔去睡．．．哈哈！睇下電視黑雨情況，影下外面大雨情況，左攪右攪，成９點先去再睡。話時話，好似好耐都無黑雨過了，對上一次應該都有一年以上了，睡到１０點幾，落街食過午飯，再同樂仔行下超市，回家时已經變回黃雨了．．．

下午睇番新聞，這場黑雨真勁，攪到大嶼山水浸，大澳斷水斷電，還有兩人死亡，這突然其來的爆雨，已使香港弄得一團嘈，可想早排的四川地震是何等的厲害，天災真的可怕！