『樂』與「我」

2009年7月27日星期一

This is RocknRoll

２６／０７／０９（日）

原來以為無得睇，好彩樂媽同事朋友有平飛，
雖然知個坐位一定唔掂，都照殺！
（有幸自己有去～唔係後悔！）

開頭以為這演唱會唱他們個人歌曲，但原來又不是！
ｂｅｙｏｎｄ的歌唱得好多！感覺像聽ｂｅｙｏｎｄ演唱會咁！

這晚全場好ｈｉｇｈ，又跳又唱！氣氛一流！
我自己好鐘意亞ｐａｕｌ個人那段，
＜Ｔｈｅ　Ｎａｍｅ　ｏｆ　ｒ＆Ｎ＞
＜踩界＞
＜亞博二世＞
＜無得比＞
＜我是憤怒＞
真係ｒｏｃｋ爆！
（但點解無ＰＬＡＹ　ＩＴ　ＬＯＵＤ～～ＳＨＩＴ）

今場有ｅａｓｏｎ和大極做嘉賓，ｅａｓｏｎ唱情人真的不錯！
大極都唱得正！但如果一齊唱紅色的跑車會重正！

唱到十一點九，真係都唔捨走，最後一首歌，
亞ｐａｕｌ家強叫實蕉哥哥唔好欄ｄ歌迷，
比佢地走上前（見圖），之後

～～一齊高呼～～
～ｒｏｃｋ　ｎ　ｒｏｌｌ～

睇完，突然好期待ｂｅｙｏｎｄ的演唱會，
唔知有無咁既機會，
特別當見到ｐａｕｌ＆家強在台上唱ｂｅｙｏｎｄ的歌，
沒有了細榮，感覺更係差點，
有埋細榮就正！好想睇他ｓｏｌｏ！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊

最後，多謝樂媽幫我找到飛和請我睇，
ｒｏｃｋ唔係佢杯茶，都陪我睇！
ｔｈａｎｋｓ～～

2009年7月24日星期五

０９書展行

２３／０７／２００９（四）

又一天掉下樂仔（謝謝外母幫忙湊樂），我地兩老又去行街街，今次去書展逛逛！自己先放工，加上近會展，所以先入去逛逛，之後等埋樂媽一齊行！

今年會場大了，加上放工時間不算多人，行得比以往舒服好多！不用逼逼供咁擇書，正！今次行書展，主要都係睇下有無野啱樂仔，之於自己，一早諗好買邊本書，以為好快會行完，點至左睇睇，右睇睇，唔經唔覺，行到十點，真係估唔到！行完不知幾鬼肚餓！拿拿琳食完老麥搭巴士回家，回到家成十一點半。

好～～～睇下今次收穫先！不過我地今次主攻十雞書！貪平呢！
先睇有乜買比樂仔先！

學英文字母＆數字書！今次買佢，貪佢夠大隻字，之前找了很久，今次終於找到，只是＄５一本，低買！
之於本摺紙遊戲，第時可以當親子活動，一齊摺紙！＄１０本！

最近發覺樂仔鐘意廣東話兒歌，所以買了兩隻，每都係＄１０隻！低呢！

成語＆唐詩卡！樂仔應該未用得著，但見＄１０盒，買定先～

教畫簡單公仔的書（＄１０本），唔知樂仔幾時識睇！
一於由我睇住先，遲Ｄ教佢畫～～哈哈！

水彩臘筆，今次真係樂仔啱用，這款筆幾方便，是扭出來畫，又可以當水彩，樂仔咁鐘意畫畫，實覺得好玩！

到買比自己的～～～～～～～～～～～～～～～～～

買唔到周靚模的寫真，買本有佢封面頂住先～～～

其實係幫姑婆買的，不過諗極都唔明，現場買，無得平，只是送一個袋仔＋一支茶字典，有乜著數呢？但這兩本雜誌，真的不輕啊！

這是樂媽的～佢話聽講這昨者的書幾好睇，見＄１０本，買本來睇睇！

這是我的，一早諗好買這兩本！書展有折！低買！

這本＂走過死蔭的樹下＂好早之前睇報紙介紹過，已經想買，前幾日在三聯見到，但知書展有折，特登等書展才買！點知行了幾間大書局，都找不到這本書！當以為買不到的時候，聽到不遠處有人大聲介紹這本書，原來是這書的出版社有擺檔，還平過大書局，有７５折！真開心～～又平左，又買到！

2009年7月23日星期四

樂．食薯條定食茄汁

還記得這幅相嗎？

是上次在樂媽在山頂食ＴＥＡ時影，

樂仔自從這次食薯條點茄汁後，

每次食一條薯條都點十幾次茄汁，

條薯條變晒型都繼續點，

真係似食茄汁多過食薯條！

哈哈哈！

2009年7月22日星期三

鬆一鬆@大尾督釣魚

１８／０７／０９（六）

釣魚係樂媽鐘意既活動之一，之前未有樂仔時，我地間中都會去下釣魚，但有了樂仔後，生活忙碌，很久都沒有釣了，所以之前一早定下這天，掉下樂仔，同樂媽去釣下魚，輕鬆一下！
雖然這天明知會打風，但一早定了，就風雨不改，今次同行還有正爸和正媽！
他們同行對我們實在是件好事，因為佢地有車，我地可以節省了不少的搭車時間！（自己搭車起碼要個半鐘車程）

先簡單介紹這個魚場的環境先．．．

一入到魚場，就會見到這座東西，要釣魚，先要在此登記，取杆，走才付款，入裡還有食物，飲品，肚餓，口渴都不用周圍找！

走時，如果想取走魚穫，記得在此磅一磅，每人限取三斤魚！

魚場有位拍車，方便駕車人仕！

進入釣魚區了，地方都算大，環境都不錯！

好～～開始釣魚先．．．
這天正媽很厲害，落第一杆已經中魚，第一次釣就咁勁！西利！之後正媽正爸還每人中了一條比較大的魚，反而找地兩個老手只是不斷中魚毛，真係無面！
好彩．．．最後我地兩老各人都中番一條大少少既魚！挽回少少面子！

我地十點半到，天郎氣清，又熱又曬！原本我地想釣到五點才走，點至差不多三點半時，天氣開始轉差，開頭都以只是過雲雨，點至前後不到十五分鐘，由陽光普照，變成橫風橫雨，那兩把大陽傘都吹爛了，我地即刻收拾行裝走人！連魚穫都沒有理就走去避雨，但諗諗下釣得咁辛苦無理由唔影相留念！

所以之後我同正爸冒雨去影魚獲和取了三條比較大的魚回來！
以下就是這天的魚穫！

先睇睇正家的魚穫，重質不重量！