樂．水口摸蜆

２７／０８／２０１１（六）

這天又要遠征啦！今天約了軒軒一家！出發去大嶼山水口村，齊齊摸蜆！

經過個幾兩個鐘的兩程車，三點到達水口村！

三點正是最退潮的時候，露出來的沙灘，真係好長，起碼有二，三百米！

要行５分鐘才行到出去！

摸蜆前，影幅合照先！ 


我地開動啦！

兩個小朋友，開頭都係無乜心機幫手，所以我帶他們出去踢踢水！
待兩個媽媽可以專心揾食．．．哈哈！

叫佢地挖蜆，你地睇下佢地做乜！哈哈！

都係幫你地影下相好ｄ！動作好一致喎！

玩到後段，兩個小朋友係幫手摸！
軒軒幫手洗挖到的蜆，樂樂就幫手挖（佢挖樂媽挖出來那些當自己挖！）

這天其實好多人，我估太約有六，七十人，遠處會見到好多一點點！

到我和兩個小朋友合照！

玩到六點幾，日落啦！係時候回程！
當然，我們只拿走小部份的蜆，細隻的不拿了！留待下次再來摸過！

 

 

 

 

 

 

 

 

 

 

 

 

 

終於取消了！

經過上次中銀保險單野，投訴無用加上超勞氣回應後，已下定決心取消晒中銀的戶口，

經過幾個月的辦理，終於攪掂晒ｄ股票，自動轉帳等等麻煩野，可以去取消戶口！ｙｅａｈ！

唔知我中銀係咪太多戶口呢！？一攪就攪左半個鐘才攪掂，攪到排我後面的叔叔審審嘈嘈咪話攪咁鬼耐！真係唔好意思！

有朋友話我，間間銀行都差不多，做乜鬼咁麻煩取消戶口，咪最後又係煩自己！

如果平時的我，我多數會算數，今次中銀的服務態度，回應，處理，無一樣係服務行業應有的態度，

咁既銀行，我真的用不下去，令願貼錢貼時間也要取消！

拜仁新主場球衣! 入手! ^.^!

自己好耐無買過拜仁既主場波紅色波衫了，對上一件是ｎ年前既事，那時還印了ｂａｌｌａｃｋ！

無買既原因，因為佢近幾年的主場真係好唔掂！好難買得落手呢！

 

今年拜仁這件就不同啦！極紅＋金色！賣非佛！

上星期行過旺角，終於忍唔住買左！印左拿姆！

印名我都數印後衛，一來自己踢波踢後衛，二來我當然要印德仔人啦！

小豬我印過，今次印拿姆無走雞啦！下件目標．．．．梅拿仔！



這件波衫，我最鐘意就係佢號碼入面有那個拜仁章．．．超型仔！

拜仁章上有四粒星？大家知唔知代表乜呀？我都唔係好清楚！？

我自己估係應該代表拿了幾多冠軍，一星代表５次定１０次呢？

樂．之廚房

樂樂之前在玩具箱找到一盒通粉，這盒通粉是他細個時練習‘不’野時用的！

今次一見到，就即刻話要玩煮通粉，係咁煮野食。

見到咁有興趣，即刻拿番之前被荒廢的廚房出黎被佢玩！

這廚房買左近兩年，佢終於有興趣玩啦！

樂．大空館遊

２０／０８／２０１１（六）

樂媽之前成日想帶樂樂去太空館睇天幕電影，之前未夠歲數又睇得！

這天終於安排去睇啦！

這天樂媽返工，早上去公園放一放電，之後中午埋在老尖食ｌｕｎｃｈ．．．．．

選了以前成日食的ｋｅｙ　ｗｅｓｔ！

好咸的意粉．．．唔掂！

兒童餐貴過意粉，幸好過個蛋包飯不錯！

我諗都成七，八年沒有食這餐廳，估唔到食物水準差左咁多！失望！

去太空館，就係睇這套『鐵鳥夢飛翔』，片長４０分鐘，後座：大人＄３２，小童＄１６！
價錢ｏｋ啦！好多人睇，買到第五行！前一行就係前座．．．ｓｈｉｔ！

樂樂又睇到一半問做完未，真係無乜耐性的小朋友！

不過，套野真係幾悶，加上訓係到睇，咁鬼ｃ服，我都忍唔住睡左一陣，
再望下周圍，大半人去左找周公．．．．ｈａｈａ！

之後去海運反斗城行陣！其間樂仔問我地兩老！今日買唔買野呀？
　ＨＡＨＡＨＡ～～我地當然唔買啦！

尖咀碼頭，泊了這架大陽能推動的船！好鬼型仔！

晚飯後，樂樂在車上就睡著了，但估唔到回家後繼續睡！

一睡就到天光（晚七早七），好耐都無試過睡得咁勁！

唔通佢知道這天我有好多場波要睇！費時打擾我．．．ＨＡＨＡ～

工作枱的新朋友

上年病好返工後，一直想買個小盤裁放左工作枱上，但一日覆一覆，攪了成年都未買到！

上星期和樂媽行日本城時，睇到這紅網葉，又好似幾靚喎！價錢又不貴！

一於買左佢，了個心願都好呀！

樂．休閒星期日

１４／０８／２０１１（日）

放監後的第一個星期日，當然要安排下ｄ節目啦！

首先早上去教會，之後同正家一齊去睇反斗車．．．．．．點知這兩個小朋友．．．．．．．．
一個睇睇下睡著左，一個睇睇下問幾時做．．．．完吹賬．．．ｈａｈａ！

之後去冒記玩左陣．．．．．樂樂好鐘意渣巴士．．．．

晚上去食樂樂最鐘意既壽司．．．．

今次食了４舊栗米軍艦，一客蟹柳卷，一客蟹柳手卷，食察得．．．ｈａｈａ！

有時輕輕鬆咁玩番一天，都幾滿足！