樂．獨立的第一步

２２／１２／２０１０（三）

在舊居時，一直都想買張床比樂樂，等他自己一個睡，但由於知道要搬，所以一直沒有實行，到了新居，便安排一張私家床比他睡。

開頭還會擔心，佢會不會肯自己睡呢？
點知一同佢講，你今晚就睡這邊的床，自己一個睡喎！
樂樂一聽後，不知幾開心，還不比我們睡他的床，如果佢想有自己的床好耐！

有時候，唔試過，真係唔知原來個仔開始獨立啦！

在新床睡，樂樂要攬兩個木木（大木和細木）睡！

今天是冬至，祝大家和家人，冬至快樂！

提早收的禮物

１７／１２／２０１０（五）

今年提早收到樂媽的生日禮物～～ＰＳ３＋ＷＩＮＮＩＮＧ

今天早上得個５度幾，最啱今天放假的我，留在家中打下ＷＩＮＮＩＮＧ！
ＹＥＡＨ～

ＷＩＮＮＩＮＧ今年的拜仁出到真實名，球員和波衫，實在太好啦！

先對下巴賽玩先！

雲隊長帶隊進場！

點解列貝利靚仔左，無左條刀疤既？

拿姆都幾似！靚仔！

開波！

一開波，洛賓為球隊領先１：０

之後高美斯錦上添花，拜仁贏２：０完場。

成兩年幾沒打過ＷＩＮＮＩＮＧ，算係咁啦！
ＫＡＫＡＫＡＫＡＫＡ

ROOKIES 熱血亞SIR

最近ｌｕｎｃｈ，狂煲這套日劇～～
＜ｒｏｏｋｉｅｓ＞

這套劇好睇在邊，講真，故事係好大路的，講一個熱血亞蛇，去感染一班壞學生去去尋自己去甲子園的夢想～～～～
但勝在拍得夠熱血，熱血，熱血～～～～～
好耐無試過睇過一套令你想不停地睇落去的日劇。

知道有這套戲，事源年頭去日本旅行，在ｃｄ鋪睇到ｒｏｏｋｉｅｓ的電影版ｄｖｄ出了，一見到幅海報，咁熟口面既！
原來好耐之前，我有買這套漫畫！

咁啱前排ｌｕｎｃｈ無野做，特然再醒起，便ｓｅａｒｃｈ下，
就比我找到這套！

好多改編漫畫的日劇，都係麻麻地，如金田一等，但這套，就好成功，
由選角（聽說是有網上投票選出角色）做型，到劇情，都好跟足漫畫，
都值得一讚！

劇中主角亞蛇，經常都會講既一句話，去鼓勵班學生：

『 夢にときめけ!　明日にきらめけ!　目指せ甲子園!』
鼓動你既夢想﹐讓明天閃耀!  目標指向甲子園!!

首主題曲”奇蹟－ｇｒｅｅｅｅｎ”都好好聽！


２４期的漫畫，１２集的劇集又點夠交代晒，所以佢拍了電影版作總結。

作為完結篇，兩小時的劇情，一點都不悶。依然熱血呢！

最後，當然是ｈａｐｐｙ　ｅｎｄｉｎｇ，打進夢想的甲子園！

睇完後，有點失落！之後睇乜好呢？

漫畫書

自己收藏的東西不多，最多的，相信應該是漫畫書了。

但現在收藏的，比起讀書時期，我估應該是十分一到啦，每次搬屋總會少咁ｄ，無計啦，地方不多，每次總要割愛。

這套龍狼傳，真係好勁，由我讀中學已經開始出，一出十幾廿十年，都未完，睇佢個勢，真係想同我鬥長命

這套潮與虎，記得最初唔係睇漫畫的，係睇無記深夜播時，覺得個故事好吸引，，最後買回漫畫睇番，你知啦，無記多數播得一兩季就無下文，好吊癮喎。

現在餘下的漫畫，都不是一些大路受歡迎的漫畫，可能我個人比較偏啦！
最多是足球漫畫．．．．無法，足球實在．．．哈哈！